第六場、第四班、一二○○米。「多多寶驥」馬主永輝賽馬團體支持咗苗禮德十幾年，團體成員劉漢鈞、黎榮、潘長風同李國麟，過往佢哋四人夾份嘅「多多」系馬亦係由苗禮德訓練，五捷馬「多多昇」更係表表者，苗禮德當然識做。「多多寶驥」三歲仔出賽四次越跑越近，前場初戴眼罩開始有走勢，上場轉跑泥地排外檔，二疊搶放都跑第四名進一步仄準，今次重返谷草上陣料已胸有成竹。
第七場、第三班、一六五○米。「勇敢皇者」來港初期曾由韋達親自操練，但進度未如預期，因此安排出賽後他已甚少於晨課沾手。不過此匹四歲愛爾蘭自購馬加程跑一哩後終於露出腳影，前仗史卓豐沿途發揮亦不為已甚，但入直路先打反手鞭，已撲上追至第四，走勢已露光；上仗在不利步速之下又一次撲入第四，復課由韋達及史卓豐輪流操住，今次試準再攻谷草一哩，值得重視。
第九場、第二班、一○○○米。「金鼓齊鳴」五歲馬早已證明能力，可惜受到傷患影響，每季都唔多跑，正因如此，有健康與狀態便可上陣，必毫無保留盡用。今季傷癒復出後，初出谷草千二米，掛牌為好至黏地，潘明輝牛刀小試跑第二；再出受制於十二檔沿途二疊，得第四名已不算差；上場易配潘頓順利贏馬補中，復課之後有正常操練，潘頓更親自主操彰顯重視，若遇變化地贏面更高。