●黃絲聲稱買到假貨，但被黃店賣家反咬調貨。 連登截圖連登發帖申訴 「黃衛兵」洗版鬧蠢：分化黃店
「黃色經濟圈」可謂全球知名「伏」地。噚日就又有黃絲喺連登自爆，話喺Carousell買咗個AirPods Pro想當係男朋友嘅情人節禮物，但點知禮物送出後先發現個耳機係假。於是個黃絲就起底賣家，發現原來佢有間黃店，而幾輪狙擊後個賣家終於回應，但就反咬個黃絲掉包，仲要話不服就報警。本來可能諗住喺連登申訴能有人同仇敵愾，但點知啲「黃衛兵」個個跳出嚟鬧返佢蠢，仲唔滿意佢「分化黃店」，叫佢當自己捐款算。嘩，原來黃店係老虎屁屁唔掂得，唔怪得可以養咁多水魚囉。
●香港文匯報記者 文根茂
黃絲「坪洋之友」噚日喺連登開post分享自己俾黃店老闆呃嘅經驗，佢話自己1月28日，喺Carousell買咗個AirPods Pro，諗住情人節送畀男朋友，賣家個post寫係「公司抽獎禮物，可能係水貨」，佢就覺得無乜所謂，於是搵賣家喺旺角面交，「我諗住面交實無死。」
去到情人節當日，佢件禮物送畀男朋友，男朋友試用後發現iPhone會hang機，連線斷下斷下。佢即刻check盒上嘅serial number，見到保養到10月，於是就預約apple去check。
佢話2月18日，Apple check機發現部機係假貨，個盒嘅serial number係真，但部機係唔同。於是佢即刻去返Carousell搵賣家，亦起咗囥部A「發現佢做Partyroom，ig係comeonparty.hk，自稱係黃店。」
賣家拒退貨：不服可報警
翌日個賣家就覆咗�嘅查詢，話面交嘅時候大家檢查清楚冇問題，之後隔咗差唔多20幾日先話有問題，「如果個個都將賣比（畀）人既（嘅）係正貨之後攞個假貨同人講有問題退錢，咁冇人擺上網賣野（嘢）啦？」佢又繼續話「當然你可以選擇搵警方協助......換左（咗）件貨之後威脅我地（哋）報警叫我地（哋）賠償？我覺得不可接受。」
但「坪洋之友」就堅稱正版嘅包裝係同自己買到嘅唔同，仲po埋相證明，又話賣家post嘅相係假嘅包裝，「即係未交收前已經係假。」
網民嘲買家影衰黃絲
可能本來諗住有同道中人可以幫自己撐腰，至少同情吓自己嘅遭遇，點知佢個帖就俾「黃衛兵」留言洗版。「沖出嚟型」就話：「擺連登好威威？你咁蠢貪平係要俾錢人地（哋）賺下架（㗎）啦。」「Merci_Arsene」話：「樓主先係影衰黃果（嗰）個，邊有黃絲好似你咁×笨×。」「寶福山雅治」：「分化黃圈，blocked（拉黑）。」「奧b」就質問：「點解有藍既（嘅）你唔×，你要專登開post×手足。」
「夜已深明天早起」就「安慰」佢：「不完美可接受可改善，我哋黃店已經少㗎啦，唔好再分化批評，唔該吞聲忍氣啦。」「Robinho」都好「開明」咁話：「黃店都係搵食啫，你咪蝕底小小囉，人地（哋）眾籌叫大家課金，你課都係不求回報嫁（㗎）啦。」「在海中喚叫屎」覺得：「黃店不嬲都係黃色水魚圈既（嘅）副產品，係d傻×先話黃店好。」