●「唔好踢爆我」發帖話：「岑敖暉無得放出黎（嚟），老婆笑得好開心。」 「連登」截圖攬炒派47人被控「串謀顛覆國家政權罪」，日前喺西九龍裁判法院接受4日保釋申請聆訊。被告之一岑敖暉嘅新婚太太余思朗早前就喺法庭外同記者呻，話被告4天都「完全無見過自己嘅親人」。
不過，有網民發現當岑敖暉被判申請保釋失敗、須繼續還柙監房後，余思朗俾人影到喺隨後嘅記者會台上同「民陣」召集人陳皓桓傾得好開心，唔只笑到瞇晒眼，仲喺半分鐘片段內不停搔頭弄姿、連撥5次頭髮𠻹。
點解新婚老公還柙監倉會咁開心？唔少網民都話係有「手足」「照料」。「Ricky Hong」話：「兄弟入冊幫手照顧阿嫂下半身（生），唔知有冇寫錯字呢？」「Wing Hong Ting」就話：「可能在說，你老公入冊，唔緊要，有我在呀！其後她如此高興為何？後面的大家自己去想像吧！」「John Ma」則話：「兄弟又可以齊上齊落。」
有網民更質疑係不忠跡象。「Nicky Wong」問：「潘金蓮撘（搭）上西門慶？」「Jason Jason」就話：「勾二嫂抑或去勾佬？」「George Lau Victor」仲玩押韻：「綠帽唔怕戴，仲可以防曬！」
●香港文匯報記者 黃書蘭