●杜琪峯昨日出席虛擬銀行廣告發布會。香港文匯報訊（記者 梁靜儀）杜琪峯（杜Sir）、鄭欣宜、盧瀚霆（Anson Lo）早前為虛擬銀行拍攝宣傳片，昨日三人到尖沙咀出席記者會，現場又首播宣傳片。首拍廣告的杜Sir，大讚欣宜及Anson Lo比他叻及醒目。
杜Sir與欣宜及Anson Lo在台上分享拍攝感受，主持問杜Sir跟兩位對手合作的感受時，他風趣說：「對手？點對呀？無咩感覺，有時我呢啲冇演開戲嘅，對住佢哋其實我係新仔，叻我好多，時代不斷在變，其實年輕同年老唔會相差太遠，可以參與年輕人活動同工作都幾開心。」
首拍廣告自認是新仔的杜Sir說，被問到對自己的演出給予多少分？他說：「導演叫我做咩就做咩，因為坐得太低睇唔到，都係幾好的體驗，原來做演員咁舒服，入行40幾年來未試過喺片場咁開心、咁冇負擔同咁享受，之後如果有人請都會繼續拍。」