畢東尼謀搵居民頂租影印機 袁浩倫提早關議辦呃糧
立法會近日審議要求區議員宣誓嘅條例，大批靠煽暴當選嘅區議員即刻心虛辭職，包括早前喺選區爆疫期間飛咗去英國遊玩嘅公民黨觀塘區議員畢東尼。將於下月1日離任嘅忴@日仲喺facebook發帖向居民求救，原來佢喺當選初期簽咗4年嘅影印機租借合約，𠵱家因為提早離任而須自行承擔逾3.7萬元嘅租金同解約費，所以希望居民幫佢承接咗份合約喎。唔少網民見狀都狠批畢東尼毫無責任感，直至辭職都要向居民伸手。另一個同樣下月1日離任嘅仲有北區區議員袁浩倫仲精，以需要執拾為由，話自己個辦事處只會開放至5月8日，呃多大半個月嘅糧??。●香港文匯報記者 雨航
九龍灣麗晶花園去年12月初爆發疫情，身為當區區議員嘅畢東尼就未見身影，反而喺fb分享遊英兼食炸魚薯條嘅相，有居民通過WhatsApp群組搵畢東尼求助，點知佢竟然退出群組，激到居民狠批佢齋出糧唔做嘢，最終佢更拖到3月底先復工。
點知復工後約兩星期，畢東尼就聲言自己身體「大不如前」，預計自己本月中做手術後要接受「長期治療」，決定辭任區議員並「退出香港政壇」。
畢東尼噚日喺帖文話自己用區議會營運開支償還款額畀咗16期嘅影印機租用費，??家因為提前結束合約，佢本人須支付剩低32期嘅費用同解約費，而借機公司其後提出免除解約費用嘅方案，就係要搵到有興趣租機嘅人幫佢接替合約，所以希望有人可以幫佢接咗份約喎。
張國鈞譏梁家傑唔幫「手足」
民建聯副主席張國鈞忍唔住廣發畢東尼嘅行為，揶揄道：「話時話其實畢生仲係現任議員＋大狀黨（公民黨）黨員（6月1日先辭職生效），點解大狀黨梁主席（梁家傑）唔幫幫『手足』承擔影印機合約？影印機錢都想眾籌？反對派口中嘅『民主核心價值』係唔係只係得眾籌？」「公民力量」成員李梓敬亦都開post揶揄：「冇得頂啦，呢啲『區議員』。」
網民「Chan HHss」睇到都好無奈：「點解可以無（冇）品無賴成甘（咁）？」「Hanghoi Chau」就話：「投他的人是否更有問題？」「Li Li」就話：「當初佢果（嗰）區黃人選出來的，咁咪幫佢找數，都咁啊，可能d（啲）黃人仲覺得應該個（㗎）舔（??）。」
將於下月1日離任嘅仲有北區區議員袁浩倫，佢噚日就喺fb發帖話因為要執拾同歸還物資，所以辦事處只會開放至5月8日。「Kitty Tsoi」就揶揄：「真係好，咁又可以呃多大半個月嘅糧。」
民政總署證梁晃維已辭區員
另外，民政事務總署噚日回覆傳媒查詢時證實，參與「初選」涉嫌違反香港國安法、目前正被還柙嘅中西區區議員梁晃維，已經提出辭去區議員職務，根據《區議會條例》，民政事務總署署長會喺知悉出現空缺後21天內將相關消息刊憲。
根據中西區區議會網站顯示，梁晃維嘅議席已經顯示為「至2021年4月30日」，而佢過往嘅fb專頁現時亦無法瀏覽。