●連登仔引述彭家浩表明會宣誓留任內容。 連登截圖隨着《2021年公職（參選及任職）（雜項修訂）條例》生效，區議員就要依例宣誓擁護基本法同效忠香港特區。唔少攬炒派區議員卻因為驚違誓要負上法律責任，近日爭相辭職。不過，攬炒派中西區區議員彭家浩日前接受網台專訪時表明，就算有人話佢違背自己信念都不會辭職。有連登仔即刻質疑佢戀棧議席，「根本佢怕失業，因為無謀生本事。」
曾與「獨人」密會美領館官員
彭家浩曾任香港大學學生會嘅外務副會長，亦曾係「香港大專學界國際事務代表團」嘅核心成員，早於2019年8月被踢爆同黃之鋒、羅冠聰和張崑陽等反中亂港分子秘密與美國領事館官員會面，而代表團隨後更宣布舉行所謂「英美港盟」集會，對於佢係咪會效忠特區和擁護基本法，可謂路人皆知。
近年借區員名義屢搞事
彭家浩近年亦借住區議員嘅名義做埋唔少衰嘢。好似舊年8月中央派員來港支援抗疫，喺中西區中山紀念公園體育館設置「氣膜火眼實驗室」作病毒檢測中心，彭家浩等攬炒派區議員竟到場搞事阻撓，佢當時就被票控違反限聚令。
舊年10月，泰國發生反政府事件，聲稱係學生組織嘅「賢學思政」就喺中西區堅尼地城以舉辦黑暴相展街站播「獨」，彭家浩現身街站同負責人有傾有講，又指示義工企位，唔知仲以為個街站係佢開。而街站負責人就不停叫囂話「輸出革命」、「為香港民族挺身而出」。
舊年11月，彭家浩嘅區議員工作報告就涉嫌散播抹黑特區政府、警方嘅失實資訊，結果俾郵政署拒絕佢嘅郵遞申請。事後佢仲喺facebook發帖稱郵政「打壓區議員」。
郵政署當時回覆香港文匯報查詢時就話，根據「投寄條款及須知」，任何人不得投寄任何違法、淫褻、不道德、不雅、令人反感、或帶永久形式誹謗或香港郵政認為不恰當的文字、圖片或其他物品東西。講到尾，彭家浩做過嘅衰嘢真係多到數唔晒，就算佢唔辭職「堅持」繼續留任，究竟最終會唔會被DQ﹖大家拭目以待吧﹗ ●香港文匯報記者 黃書蘭