[2001-08-19] 楊受成首次談傷人案 放大圖片
楊受成心情沒受案件影響。
楊受成自接受警方調查香港娛樂圈傷人案後，一直不肯面對記者，不過楊生似乎心情並未有受過影響，昨日更坐早機到台灣，出席MTV台的頒獎禮，捧旗下兩位歌手謝霆鋒及陳奕迅場。
於高雄的漢來酒店coffee shop，香港記者碰上楊生，穿著一身便服的他，正與一班英皇高層員工，談笑風生喝咖啡，心情非常之好，不過見到記者，面露一個愕然表情，繼而露出一個笑容，並且叫記者坐定先，主動表示可以做訪問。
經過風浪應付得到
（楊：楊生 記：記者）
記：楊生咁早來台灣，係咪好辛苦？
楊：唔辛苦，今朝先同你哋班電單車手鍊過，哈哈，我係講笑，你哋唔好寫。我會逗留到星期一先離開，反正有兩日假，所以留刦度玩冲。
記：咁你呢兩日係咪好煩？
楊：唔煩，我經過咁多風浪，應付到。我冇為近日揣測影響心情，呢個世界事不離實，一D都唔擔心。我唔信說話可以講到一個人有事。
記：祖兒摺晒紙鶴同你祈福喎，你感唔感動，佢咁關心你呀？
楊：我哋日日有通電話，係我關心佢呀。
記：你唱片公司D歌手，個個都好幫你喎。
楊：係呀，我哋好團結劵。
記：咁你有冇安慰祖兒？
容祖兒比想像中硬淨
楊：佢好叻比我想像中好好多，危急時應變力好高。佢刦記者會上喊，我都有看報，不過冇擔心，佢應該可以應付，佢係一個好難得的藝人，好硬淨，一個二十一歲女仔做到咁係唔容易。依家唔係去酒店，係去差館，真係幾驚劵。
記：咁你有冇找陳伯睇下風水？
楊：(聽到風水兩個字，即轉身走人)差唔多啦，唔講啦。
不信梁思浩六十小時無尿
記：咁你介唔介意講下你回港畀警方請去同咩事有關？
楊：報紙都賣晒啦，有關案件嘅嘢，我唔想講太多啦。
記：梁思浩話接到「死亡恐嚇」喎，你知唔知？
楊：有關件案嘅嘢，我唔想講。佢六十個鐘去唔到廁所？佢想做頭條啫，冇人六十個鐘屙不到尿，唔死咩。
記：咁你介唔介意用「拘捕」兩個字形容你？
楊：有關件案夠啦，唔想講，你哋唔好再提有關案件D嘢啦，最好隻字不提呀，我唔想有影響。我一陣去邊？同老婆行街囉。
至於英皇總經理鄭堯強就向記者表示，楊生及唱片公司沒有受到任何影響，唱片部運作正常、唱片工作照做，公司形象冇影響。音樂還音樂唔關新聞事。至於Eason陳奕迅，鄭謂有關藝人私人事，不想談，正常人家人有事都會擔心。不過Eason工作上沒有影響，這個星期不回港，繼續在台灣宣傳。
|
