[2001-08-19] 陳百祥稱讚警方能力
曾志偉、梁思浩遇襲案件，警方一直著手調查，而近日傳出梁思浩受到「死亡恐嚇」的威脅，曾代志偉懸紅一百萬緝兇的陳百祥對「死亡恐嚇」的傳聞，估計也是謠傳，他會相信法律，且指恐嚇的行為好無知。
警方目前貼身保護梁思浩，阿叻說：「我覺得警方今次好Perfect，令我對香港法治及警力更有信心！」但梁思浩仍接到死亡恐嚇？阿叻說：「講冲啫，只要光明正大，行得正企得正，又唔見我要用保鏢！依家唔係三十年代卡邦，不過要係用唔正當手法，避都冇得避，勢力強如張子強一樣被繩之於法，今次係雞毛蒜皮嘅事，唔值得驚，要驚我哋就唔會以集團刦香港投資，我哋好有信心，今次只係個別事件。」
假若有人「屈」自己，阿叻表示也會循法律途徑控告到底，絕不會以暴力解決，因他相信香港的法治及警力。
否認東魅與英皇爭鬥
不過亦有指今次是東方魅力與英皇之間的鬥爭？阿叻說：「完全唔關事。」但他與阿倫、志偉曾高調在電台暗示過？阿叻堅稱自己沒這樣做過，他做人素來黑白善惡分明，從無中間位，說喜歡就喜歡，不喜歡也就不喜歡。
東魅與英皇也是生意上的對手？阿叻說：「大家嘅生意都唔同，我哋依家最大嘅生意係搞巴士上邊嘅液晶屏幕資訊，根本無競爭過。」那經理人方面呢？阿叻說：「大家嘅藝人亦都唔同。」
自嘲扯線公仔無靈魂
阿叻陳百祥形容曾志偉現時的狀況是多見樹木少見人，早上吸收靈氣，晚上便做騷，過得非常充實。
阿叻謂志偉不是避傳媒，他只是想放更多時間享受一下生活，做想做的事情，這一來可以沒了爭執及飲醉的情況。
而阿叻也很樂於現時的生活，皆因大、中、小事也輪不到他來管，好似公司的大事又話唔到事，因為他只是副主席，阿倫才是主席，小事又沒理由來找他，中事則公司用咁多錢請人返工，也沒理由問他，私事方面則由黃杏秀話事。阿叻自嘲是扯線公仔，沒有靈魂，但這才是人生最高境界，可以專心吃喝玩樂。
「二台打仗，都搵個惡嘅出來，嘟嘟便夠惡，我形象開心，所以打仗唔會搵我，毫無利益衝突，椾都唔會椾我，我唔會得罪人，只係有凉幽默感，講錯些少嘢，D人會原諒我，因我少出來，少睇報紙。」
|
