[2001-08-19] 阿倫個唱好友避席 志偉怕被記者追訪 放大圖片
譚詠麟演唱會成功飲得杯落。
「譚詠麟飛一般演唱會」又於前晚在新會展完成八場演出，當晚阿倫的父母、妹妹都有捧場，還有苗喬偉、戚美珍一家四口，陳家碧與夫婿、鄺美雲等。
每晚阿倫的個唱都有不少嘉賓上台唱歌及捧場，當晚上台的嘉賓有李克勤與張柏芝，一直以為阿倫的好友曾志偉也會在最後一場出現，最終也未見志偉的蹤影。
對此阿倫說：「因為佢驚記者，我有叫佢放開心情，而且成件事睇你點答，只要放開懷抱講兩句便算，同大家（指傳媒）咁熟，唔會難為你，不過最後志偉擔心出現的話會引來秩序混亂，所以沒有到來。」阿倫表示不會介意，沒有所謂，他十九號會去睇華仔演唱會，二十一號便睇志偉做騷。
目前志偉最難過的是哪一關？阿倫強調志偉不想令秩序混亂，也不想公開住處麻煩警方，（志偉有警員保護嗎？）「咁我又唔知喎。」
說到關於梁思浩為被毆案件緊張得閉尿，阿倫說：「我可以介紹他服排毒丸，（思浩可能要入院放尿！）阿倫笑問：「好似凍蟹一樣要放尿，（思浩是否也很慘？）此時，阿倫笑住用毛巾掩嘴，謂：「呢凉我答你唔到。」
今次阿倫在新會展開一個Rave Party演唱會，可說相當成功，前晚十多位觀眾在台前企足全晚，又送上不少禮物，包括生日蛋糕預祝阿倫二十三日生辰，其他有公仔、哥爾夫球棍，亦有不少女歌迷索吻，阿倫看見歌迷的熱情，更感動得眼濕濕。
當柏芝與克勤先後出場時，阿倫見到柏芝瘦了很多，便問她是否玩瘦身，又話：「小心喎，因住阿邊個唔鍾意，朋友呀，環球個D呀。」搞到柏芝只會用笑回應，阿倫也不放過克勤，因當晚克勤穿了一件繡有Alan Tam的T恤上台，阿倫笑言：「一睇便知是盧小姐手筆哩！」另有指Star East製作的《獎門人絕對舞台Super Show》蝕錢，阿倫表示該演出口碑好，一家大小看得開心，現在還未計錢，傳聞斷章取義，根本沒此事。
|
