[2001-08-30] 羅家英「握手」賀阿姐 放大圖片
阿姐生日與契女婷婷探羅家英班，然後共晉晚餐。
前日是汪明荃生日，阿姐帶同契女謝婷婷特別於晚上到男友羅家英拍戲外景場地探班，收工後一同共晉晚餐，還被記者拍下兩人手拖手的照片。昨日羅家英接受電台訪問，他謂手拖手是因為斜路太斜，又講笑說：「我同阿姐握手講生日快樂啫，唔係拖手。我地真係好耐冇見，所以要握下手囉，哈哈。」（點解唔攬攬錫錫？）「攬攬錫錫又點可以刦咁多人面前做，況且我哋已經好耐冇試過喇！」說到阿姐公開表示不喜歡他公開提到自己，家英幽默道：「我已經好保留喇，我只係講出其中二十分之一啫！」
問到家英今年生日送了什麼禮物給女友？他直言至今仍未送，但心裏有數，有意買一隻鑽戒，不過就要待聖誕禮物才一併送贈，原因上次送了一對共三卡的鑽石耳環給阿姐，最後她不小心被人偷去，今次再送要送大點的鑽石，可是要儲錢，所以要等到聖誕。至於阿姐就比他有心得多，他早阿姐一日生日，她一早就送贈六套西裝給他作生日禮物了。
說到阿姐的契仔謝霆鋒亦於昨天生日，剛巧這兩天羅家英和霆鋒兩人要一同拍攝電影《二○○二》，問到家英哥會否送禮物給壽星仔？他打趣道：「大家後生仔，唔駛喇。佢昨日要到凌晨先開工，唔知佢係咪留番昨日約某人啦，約個凉『飛下飛下』囉（取王菲的同音字）。」問到王菲又可會像阿姐一樣前往探班，家英哥又笑道：「應該唔會，佢都唔鍾意刦人前面『飛』呀。」
|
