[2001-08-30] 梁詠琪淚灑直播室
梁詠琪（GiGi）前晚接受「海琪的天空」訪問，說到身邊最重要的人時，她想到母親在她入行以來，為她承受這麼多壓力，一時感觸落淚。
詠琪謂心目中最重要的人，第一位是母親，因為母親一個女人要照顧她與弟弟，相當辛苦。入行後，又得一同與她承受壓力，令她無言感激。海琪問她，「咁你有冇講多謝媽咪？」詠琪開始落下淚來，哭著道，「佢知劵啦，我雖然冇親口講，不過有寫過咭，做訪問成日有多謝佢。我入行帶咗好多壓力畀佢，不過佢同我講，我永遠係佢個女……」
而生命中第二重要的人是她弟弟，排第三、四的是身邊的工作伙伴，一個是唱片監製陳少琪，一個是助手陳嘉琪，這些同事，在她遇上大困難時也對她不離不棄，很是難得。
至於第五個人，詠琪邊用紙巾抹淚，邊含糊道，「冇第五個劵啦。有凉唔駛講啦。」海琪說，「你點都要講鄭伊健啦。你覺得係咩令你地兩個緣份碰埋一齊？」詠琪再想避談，「唔知呀……緣份呢凉嘢好難講。」（咁你覺得你地愛情冷靜咗未？好清楚肯定大家係以後嘅對象？）「好難答喎，要時間去相處，我唔係一個好識愛人嘅人，大家需要時間去觀察。」（咁你欣賞佢咩？）「一個好人囉、善良心地好。」（會唔會愛得愈深愈怕失去？）「呢個好難講，每個女仔對感情都有期望，期望愈大失望愈大，所以唔係冇信心，係太長遠嘅嘢，依家唔敢去諗。」
事後記者問到她，為什麼對愛情的信心這麼猶疑？詠琪道，「女仔係咁啦，一定會患得患失，我有好多好朋友好到要結婚，最後終於咪又散咗，女仔係諗得多凉。」
|
