[2001-09-08] 安仔：橫風橫雨都值得
許志安與鄭秀文（Sammi）盛傳分手已久，不過鄭秀文十一場演唱會昨日正式開鑼，鄭秀文身邊的一班圈中朋友當中，安仔率先在頭場支持，似乎要用行動粉碎分手傳聞。
昨日在電台節目已爆出許志安會在Sammi第一晚演唱會中出現，剛巧安仔也要到電台接受訪問，求證安仔時，他最初不想說：「今晚就知。」（今日橫風橫雨喎！）「橫風橫雨都值得嘅。」（你會在台下欣賞還是上台表演？）「上嘅，佢都有好多嘉賓啦。」（係咪會唱《愛你》？）「唔係，會唱近期頗新歌曲，就係林狗𦬓首《拉閘放狗》，著埋林狗套衫出來，又或者LMF出場時，當其中一個成員出來。」
至於是否以行動證實分手之說，安仔笑笑口說：「唔會答」，（稍後會否同一班朋友一齊支持Sammi？）「擇日全體啦。不過我十三號都要去新加坡演出。」
問到安仔昨日是否押後工作，也要先支持Sammi，安仔沒有正面回答，只說：「值得淋，值得去……」（會否同台合唱？）「這便要睇反應，其實我唔係主角，《借你耳朵聽許志安演唱會》已經完咗，唔使再訪問我。」
|
