[2001-09-08] 李克勤坐飛船先驚後定 放大圖片
李克勤坐飛船鳥瞰香港。
李克勤為了拍攝《好客香港攞滿fun》的推廣香港旅遊特輯，成為首位坐香港飛船的藝人，前日在舊啟德機場進行拍攝工作。由於坐飛船前要簽生死紙，那一刻克勤有些驚，心想雖然今次可以飲到頭啖湯，不過千萬唔好做埋首個坐香港飛船而死的藝人就得啦，不過試玩過之後，覺得好穩陣安全。
早前他到澳洲也有玩過熱氣球，那次便就覺得很危險，好無安全感，但這次便有所不同，加上大會為有份坐飛船的克勤、導演和駕駛人員三人投保了合共一千萬的保額，做足安全措施。不過上船之前被要求簽下「生死約」，反而令克勤有點擔心，他笑道：「當時一睇到份『生死約』就真係有點驚，心諗唔係話好穩定咩，點解仲要簽呀，唔好老屈我喎！簽名𦬓時仲好擔心，心想應該冇事、冇咁巧，但係就冇諗過唔玩，起碼都叫做飲頭啖湯，幸好坐上去之後發覺真係好穩定，又好過癮，有飄上天的感覺。」
為了符合導演要求，在多個不同角度進行拍攝，克勤足足玩了近兩個小時之久，原本克勤也玩得很開心，可是由於他前一晚睇足球睇通宵，在第二次玩拍攝飛船花式過程，因為飛船不停轉動，以致有暈和嘔的感覺，還要立即向駕駛人員道：「阿哥仔，唔好再玩，真係頂唔順啦！」事後他笑指下次一定要好好養足精神再玩過。
|
