[2001-09-15] 鄭兆良再說電視紅人

　梁思浩早前被時裝設計師鄭兆良一句，「我唔係好識佢」踢爆他為博宣傳，博影相見報，大風雨下也浪費警力陪伴他四處出巡，睇時裝展。

　昨日鄭兆良接受港台蘭子及周國豐的錄音訪問，不過卻與同於港台工作的思浩緣慳一面，未有再碰上，鄭被記者再次追問思浩上次不請自來事件，他大方笑指：「我識佢多過佢識我，佢係電視紅人。」

　鄭兆良謂他有聽過梁思浩這個人名，當然也有在電視上見過，不過私下未曾約會過，也並不真正相識，私下也沒有聯絡，不過當日他的時裝展適逢鬼節，又下大雨，公關說，他的名單請了四百人，卻來了六百多人，所以他也混亂到不知誰有來，誰沒有來。鄭笑道：「落晒大雨都來捧場，冇理由唔畀人入，咁天氣都來支持，好多謝佢添，我人客的名單入面好似有秦惠文，可能佢係朋友間接帶來呢，後來公關都有介紹我地識，有握手同以後見到面都會打個招呼。」

　而當記者將鄭的說話轉述給梁思浩知道時，他就一直不停大笑，然後說：「我都話呢個時候咩都唔介意，正如上次講，呢個時候識唔識我冇所謂，(咁你會唔會再去睇佢的騷)「唔會啦，除非工作，我唔會再出席公開活動，下午有宣傳，都係另外兩個拍檔做，愛護動物協會活動都推了，真係有愧做慈善之星。」說到楊受成已經獲釋，思浩就馬上說，「我唔係咁方便加意見。」最近有報道指警方將保護他一年，思浩謂的確是一長時間，不過年期、他的住址也不方便公開。