[2001-09-15] 秀文樂與詠琪平排

　前晚鄭秀文個唱，父母、姐姐一家人也來捧場，令Sammi十分感動，在台上唱《花火》時喊起來！

　唱《花火》時，她說：「做了七場都冇事，但今晚我見到屋企人，一時間好感動……」而且馬上熱淚湧出來，最後為免喊到收唔到聲，亦怕再與家人有眼神接觸，於是背向家人抹眼淚，趕快收拾心情，介紹前晚的嘉賓梁詠琪(GiGi)。

　詠琪捧著一個大公仔出來，送給Sammi，兩人合唱《Today》時，Sammi邊喊邊合唱，令詠琪也連帶眼有淚光，唱完歌之後詠琪便遞紙巾給Sammi抹淚！Sammi情緒亦開始平伏下來，又回復搞笑本色，更指請了詠琪做嘉賓，她就特別揀了高跟鞋，終於可以同詠琪平排，不用抬起頭去交談，Sammi更立即扮矮同詠琪打招呼，引得觀眾哈哈大笑！而詠琪亦笑說：「我今晚都奉命穿平底鞋！」

　前晚，Sammi的大蝴蝶又再出事，當她與詠琪熱情抱緊時，詠琪突然發覺她的腰帶甩掉，立即尷尷尬尬在台上整理。另外，前晚Sammi在演唱「煞科」環節時，換上了新衫，穿上好有型的軍裝與隱形水晶人跳勁舞，而這件衫是在D-MOP買，經服裝師花心思在衫上加了一堆銀色扣針，令這件衫更加顯閃爍感。