[2001-12-14] 何嘉莉母女齊澄清

　何嘉莉細妹何祖莉加盟英皇的說法已經傳過多時，最近又有指「嘉莉受英皇冷落，家庭經濟出現問題，細妹也得入行幫補家計，不過嘉莉反對細妹簽英皇，並幫其細妹尋覓經理人，可惜最後冇人夠膽接收。」

　昨日何嘉莉出席英皇珠寶行一個宣傳活動，經理人霍紋希陪伴左右，何嘉莉回應有關傳聞時說：「傳聞唔係真，我講過好多次，細妹冇話過入行，佢仲細，讀緊書，佢唔會簽英皇，唔會簽其他公司。話我去同佢搵經理人，我有咁大權力就好啦！我邊有能力做呢凉嘢？我覺得傳媒不停騷擾我家人，對我好唔尊重同唔公平，我屋企經濟冇陷入困境，我父母都有工作。𦬓本周刊寫都唔係事實。」

　問到何嘉莉可有其他唱片公司曾打過其妹主意？她說：「據我所知，就冇。佢太細個，我地都係覺得佢讀書為重。」

　何嘉莉母親昨日透過電話向傳媒表示：「今日睇咗報道好嬲，好多相都唔係我個女，長頭髮𦬓個根本唔係，我個女冇去過行沙田，嘉莉冇去搵過咩經理人，唱片公司要簽都會畀英皇，冇諗過其他公司，何況冇諗住入行。（咁你屋企經濟有冇問題？）當然冇啦，我老公刦大陸做緊生意，呢凉報道對佢做生意好有影響。」