[2001-12-29] 呂方靠不吃飯修身
蘇永康、黃耀明、劉以達、張信哲、呂方、李惠敏前晚一同出席《新城勁爆唱好歌手音樂會二○○一》。不過有份參與的DJ顏聯武卻似乎不大受歌迷歡迎,甚至有歌迷大叫他「收皮」,及後他介紹呂方出場時,又以「好耐未試過響咁多人面前唱歌」來形容呂方,還叫歌迷拍掌以示支持,似乎很不畀面,不過歌迷就很支持呂方,全場立即響起一片掌聲,反應熱烈。
怎料顏聯武在台上繼續問呂方很多尷尬問題,又問到他是否喜歡與女友神交多一點,呂方唯有「係呀、係呀」地敷衍了事。事後問到他是否很尷尬?他說:「你叫我點答喎,問凉咁嘅嘢。」
不過呂方的心情沒有因此受到影響,還問記者有否覺得他最近靚仔了?原來他跟著女友鄭裕玲不吃飯修身,還踢爆女友兩年前已開始,並持之以恆,大讚對方厲害。原本呂方是跟女友一同進行,怎料期間他忍不住口偷步,到近日才再度立下決心,他笑道:「其實我依家個樣都OK呀,同二十幾歲冇乜分別,一樣咁靚仔。(女友係咪都覺得你好靚仔?)梗係啦!每個人欣賞唔同。」兩人的感情真是羨煞旁人。
說到他被某周刊拍下睇樓照片,他否認說:「都冇件咁嘅事,無喇喇點會買樓喎,我都冇錢買啦!(可以上嘟嘟的《一筆out消》搵錢?)我都想呀,原本安排我今日(前日)上節目錄影最後一集,但係我最後選擇咗出席呢個音樂會,所以咪冇囉。」問到嘟嘟完成《一筆out消》後,兩人會否出外遊玩慶祝?他說:「我已經買咗枝香檳送畀佢,不過出外就未必,佢要拍完手頭上的戲先。」
|