[2002-07-06] 店舖冀獲滿意賠償

　對於深水步保安道／順寧道重建項目，有地產代理指目前區內七年樓齡的住宅單位呎價為二千五百元；而商舖則為三千六百元。因為樓宇實在太殘舊，雖然樓底高，但樓梯又窄又斜，衛生情況惡劣，僭建物及改建情況比比皆是，所以受影響的住戶及商舖東主對重建計劃均表示歡迎，並可望改善現時的生活環境；不過對日後能否原區置業或搬遷，則有一定的擔心。

　居於興華街八年的租戶李先生表示：「重建唔意外，又無話開心唔開心，我都知未來搬遷無可能就在隔籬，邊有咁理想呀。最好係公屋啦，如果搬到麗閣�h、元洲�h及富昌�h都好呀！這些公屋都算近，不過我唔鍾意同人夾埋一起住，否則我為何會一千七百元租梗房呀！」

店舖憂慮賠償不足

　在保安道經營士多的蔡先生說：「如果政府來收便收囉，最好賠番多少，十萬八萬就唔夠，如果有三十萬我即刻唔做，其實我都成七十三歲，還做甚麼？我個舖都有成三百幾呎，而家都係租二千五百元，八九年我租時要六千五百元，不過經濟唔好，人口又老化，業主便減租。我無話捨唔捨得，政府要來收地，唔通我唔准咩！」