[2002-09-10] 徐濠縈平常心對待 放大圖片
徐濠縈自問性情開朗，對於傳聞，並不放在心上。
【本報訊】(記者 梁靜儀)鍾楚紅最近再為健康食品拍攝第二輯廣告，昨日並在戲院舉行了一個「鍾楚紅久休復出最新廣告片首映會」，可是主角兼代言人紅姑，因不在香港未有出席，她的兩位影迷徐濠縈及關心妍卻有出席撐場，兩人均自稱自小已是紅姑的影迷，鍾意紅姑靚女又唔造作。
相處保持童心
最近千嬅在報章上重提與陳奕迅及鄭中基兩段感情，並指兩段情都是因為有第三者介入而告吹，造成她與徐濠縈不和，更莫說是朋友。但千嬅又讚「情敵」徐濠縈是個賢內助，令到陳奕迅(Eason)由一個細路仔變成老竇。
對於千嬅重提舊事，濠縈滿不在乎說:「多謝佢囉，都冇話邊個改變邊個的，一齊開心咪得囉，Eason一齊後，Eason其實都冇話特別大個咗，只係相處時都會保持一份童心，得閑你呵冲我，我又呵冲你。」
關係並不尷尬
濠縈也承認跟千嬅只是朋友，當然不是深交，平日大家碰見，都是以徐小姐、楊小姐相稱，不過她們的關係並非如外間所講的咁尷尬，如之前她搞賣二手衫活動，千嬅也有攞衫給她寄賣，同樣Eason開「騷」，千嬅亦有去捧場，甚至千嬅生日大家都有去卡啦OK慶祝，而上星期她去整頭髮，也撞見千嬅，大家也有打招呼。濠縈稱除非千嬅親口跟她講，否則她唔會相信，況且都已是七年前的事，唔值得攞來講。
回應手續辦清楚
文中千嬅又以另一個人暗喻，指只要手續辦清楚，做唔做返朋友都冇問題。似在暗示當日Eason未有跟她講清楚就與徐濠縈拍拖。濠縈自言是爽快的人，拍拖前會問清楚個男仔是否已跟女友分手。她說:「如果個男仔要呃住個新女友，稱冇女友都得架，所以有時都要睇時間、人物、地點，呢凉咸豐年前的事我唔想再講，總之我哋三個心裏知係乜事。」
做過「受害者」
問到她可曾試過被人橫刀奪愛？濠縈以過來人的身份說:「我都做過受害者，我都明白呢種感受，我唔係針對而家呢段感情來講。」至於Eason點睇這件事？濠縈即變得頗激動地說:「我都係今朝睇報紙至知，不過那時Eason已經出咗門口。」問到她可有為了報道而唔開心？濠縈堅稱沒有，並稱如果有唔開心會第一時間致電Eason。
|
