[2002-09-25] 李麗珍為減票價叫好 放大圖片
李麗珍作為消費者，也嚐到戲院減票價的甜頭。
【本報訊】（記者 梁靜儀)近期影圈發起多項救市行動，李麗珍作為影圈一分子，也很留意有關新聞，最近戲院商會減票價救市，可惜觀眾反應並不熱烈，阿珍也認為減票價是好事，因現在的市道已回到十幾年前的水平，戲票也好應該減價。
平日李麗珍也是戲院常客，經常與朋友結伴去睇戲，她以消費者角度去睇，平日一班朋友去睇戲，食飯及買零食入戲院已花去一筆，還要買戲票，加起來相當「唔化算」，所以減票價對吸引消費者是非常好的事。
創作誠意可減酬
除了減票價，有電影人認為演員也應減片酬救市，她又會否響應呢？阿珍思想一會說：「只係個別的問題，唔係個個明星片酬都咁貴，如果部戲好有誠意，個劇本自己又好鍾意，自己都會減片酬的。」電影市道不景，很多演員傾片約時都會被要求減片酬。阿珍承認傾片約時也試過被要求減片酬，但她很怕跟人討價還價，所以錢銀問題全都交由經理人去傾。
「分紅制」需看情況
梅艷芳提議演員傾片約時可以採用「分紅制」，以減低製作成本，阿珍卻對這個建議有所保留。她謂多年前都試過用「分紅制」接戲，不過演員想取回「分紅」，幾乎是很渺茫的事，所以除了是自己的公司，或是相熟的電影老板，她才有信心採用「分紅制」。
|
