[2003-05-28] 電台主持人唔係判官 放大圖片
周融(左)及吳志森認為「沙士」事件反映烽煙節目終必摒棄謾罵之風，步向理性討論。 (劉國權 攝)
是次「沙士」事件最令人印象難忘的，肯定是每天都見諸報端的「醫護人員在電台節目上哭訴……」，《千禧年代》雖然每天亦接不少聽眾電話，但似乎並不以此著稱。吳志森坦言：「其實我哋接入來都唔知佢會唔會一講即喊，但係遇到投訴物資不足的電話，你會立即罵『草菅人命』、『今晚瞓唔瞓得著』……定係同佢分析背後嘅原因，究竟出咗乜嘢問題？兩者得出嘅效果係好唔同。」
周融坦言：「我認為主持人在節目中係一個討論中facilitater(促進者)嘅角色，而唔係一個判官，因為我哋唔係乜都識，憑乜嘢一錘定音呢？」說到此不得不提醫院管理局專業及公共事務總監高永文在商台節目中被罵後，在《千》哽咽表示願意辭職此一「經典」場面。周融總結：「其實問題的癥結在於電台節目是否應定位為『冤情大使』的角色。如果你處理到九十八宗投訴個案，只有兩宗係藉由電台節目『拾遺補缺』那當然沒問題，但你全部都靠電台獲知下情咁就死梗！」
官員面對市民「三不夠」
談到政府官員如何透過烽煙節目爭取民情，周融認為目前的渠道仍少。他認為問題在於官員「是否夠膽出來」？吳志森總結官員的「三不夠」——「不夠膽」面對市民責難、出席有關節目「不夠多」、技巧亦「不夠好」，「如果上到來畀人鬧兩句就黑晒口面，結果畀記者影相，翌日報上『表情尷尬、不知如何是好』的描述。而要解決這個問題，唯有靠官員們勤上『戰場』。」
|
