[2003-06-04] 余文樂見水蟑螂超驚嚇

放大圖片

余文樂望盡快賺錢好買樓。

　【本報訊】繼成為內地可口可樂及某波鞋代言人後，余文樂又成為內地著名休閒服飾「伊韻兒」代言人，為期一年，酬勞接近七位數字。原本他與內地女藝人徐靜蕾拍攝這輯廣告硬照的，可惜兩人檔期不合，要分開拍。他說今次同佢緣慳一面，希望拍電視廣告時可以同佢合作。

　早前，余文樂便到廣州拍春夏季最新系列服飾，由於只有一日時間，他一早到達廣州的工作室後，便立即進行拍攝工作，一日內換了三十多套衫，拍至差不多晚上十一時才拍完。廣告商特別要酒家預備水蟑螂給大家享用。一提起這道特別菜式，阿樂說：「上兩次廣告商請食穿山甲、果子狸，我都已經嚇到只顧低頭食白飯和海鮮，今次估唔到有水蟑螂這道菜，驚嚇程度超過穿山甲、果子狸一百倍！雖然我平時唔怕蟑螂，但係食就真係接受唔到！我見到碟水蟑螂，嚇到無晒胃口，反而我的化妝師和髮型師等食得津津有味，一邊食一邊話好味，叫我試！」