[2003-09-20] 梁詠琪 到戲院捧自己場放大圖片
梁詠琪到戲院看戲,為的是了解觀眾對自己演出的反應。
【本報訊】(記者 梁靜儀)梁詠琪與金城武主演的電影《向左走、向右走》上映六天,票房報稱已收七百七十多萬。為了「催谷」影片,梁詠琪前晚親到銅鑼灣一間戲院與幾百觀眾一齊睇戲,親身感受觀眾的反應。
已第二次睇這部戲,梁詠琪散場時仍雙眼通紅,她邊笑邊拭眼淚表示:以前未試過在黃金時間與咁多人一起睇戲,很開心見到觀眾反應好,看完電影後還鼓掌,令她鬆了一口氣。問到男友鄭伊健睇了影片沒有,她指伊健還未捧場,如果有時間她會陪伊健一齊睇戲,就算睇多六、七次都無所謂。
她謂有信心票房可達一千五百萬,屆時她會請工作人員食飯,但因為她在月尾要到美國登台,相信要返港後才能再慶祝。梁詠琪表示今次演技獲讚賞,首要多謝導演杜琪峰,因為阿杜對她要求很嚴格。她覺得最感動的是結尾在街上邊哭邊找男友一幕,而現實中她就未試過這樣去尋人,因為科技發達可以用電話聯繫。不過她自爆入行前曾經錯過了一段感情。
問她可會像戲中女主角般主動問男仔要電話號碼?她笑謂沒有試過,因怕食檸檬。
|