[2004-07-25] 華仔：最驚老竇畀錢我

放大圖片

　【本報訊】劉德華前晚為新歌《按摩女郎》於跑馬地拍攝MV，並且邀請伍詠薇任女主角。

夜更「的士司機」

　MV故事中，劉德華演一個的士司機，與舊女友重逢。該女友曾經告訴他想做結他手，今日卻成為按摩女郎，跟他做的士司機一樣，靠一雙手活出精彩人生，令華仔十分安慰。

　華仔拍電影以來，今次是第三次開的士於街上行走，雖然拍攝時間是半夜，不過依然引來很多途人好奇目光。不少的士行家看到隔鄰開著的士的竟是天皇巨星，不時於車廂親切地大叫「華哥」，跟華仔打招呼；跑馬地不少街坊也跑來找華仔簽名，一時十分熱鬧。

為九月演唱消瘦

　正積極為九月演唱會排練的劉德華，昨日看來消瘦了不少，原來他正在節食操fit當中，要在九月個唱中重現六舊腹肌美好身材。

　伍詠薇得知華仔開個唱，可是由於人在北京未能及時買到門票，曾經叫過朋友代買卻訂不到，前晚就親自開口問華仔可不可以代買飛。華仔笑道：「200蚊飛呀？都可以同你撲到。其他就冇啦……」

向太「大整蠱」

　華仔說：「最近我成日收到不少電話，真係好驚，唔知點算好。例如前日就收到向太一個電話短訊，寫著：『多謝你的100張演唱會門券』，我哪裡還會有飛呀？重話100張，嚇親我。我諗向太都係整蠱我，開玩笑啫，哈哈。真係好多謝佢咁多年都咁錫我囉。我老竇呀，咁多年開演唱會，未見過佢咁緊張，竟然日日追住我，問我幾時收錢呀？我老竇追住畀錢我，呢個情景，我咁大個仔都未試過，我邊敢收錢呀！我咪不停話：我返工啦，拜拜……」

新身份證影靚相

　談到鄭秀文個唱中，林海峰開玩笑說：劉德華同許冠傑結婚啦，生個Andy Hui出來給Sammi，華仔聽到後也哈哈大笑，他謂本來前日想去捧Sammi場，不過因為排舞，又要去拿新身份證，故最後去不成，接下來日子有空一定去捧Sammi場。

　記者問華仔新身份證影得漂亮嗎？華仔笑道，「影𦬓個人重緊張過我，影完第一張，我話得啦。佢話唔好啦，影多張。我咪影多張囉。結果就影咗兩次。我就覺得影一次就得啦，我影來影去都係咁靚仔啦，哈哈哈……！」