[2004-10-13] 驅癌魔談大計 馬力笑對人生 放大圖片
病後復出的馬力，不但精神大好，還比昔日更為幽默。 (潘達文攝)
【本報訊】(記者 曾少妍、邱萍菲)大病初癒的馬力，昨日主動邀約傳媒暢談自己的未來工作與「班底」。曾在立法會選舉中途「爆出」身患直腸癌的他，經過兩個多月的治療，健康大有起色，精神多了，人也比昔日鬼馬，一洗早前弱不禁風的病容。
馬力一開口便自嘲「唔夠氣」，要用「咪高峰」發言，但與傳媒相聚個多小時中，有問必答，無所不談，風釆尤勝往昔。他透露，手術後總共要接受6次化療，現時已到達第2次化療的尾聲，由於每次化療需時3個星期，其中兩個星期需要留守內地醫院觀察，所以早已向立法會「請假」，「財委會同內會我未必可以每次出席，但都會盡量做，如果病情唔惡化，過完農曆年可以正常工作。」
接受化療 半年內最關鍵
立法會工作擔子不輕，但他有信心可以力撐4年，還幽自己一默說：「如果做唔到，只有一個原因，就係病發身亡！(記者說：大吉利是！)身體許可，我一定做足4年！醫生話個病最緊要睇開頭半年，5年後、10年後，醫生都唔使睇你啦！」曾與病魔苦戰的馬力，病後人生顯得更積極，「我個病同肝或淋巴比較，都唔係咁嚴重𣜭！」
化療不好受，但從來沒有聽到馬力呻吟半句，相反「咩都唔食得」的慘況卻令他不吐不快，「蝦蟹我已經無食喇！連雞都話有激素唔食得，乳鴿大隻少少都唔敢食呀！」與美食絕緣，馬力自責昔日吃肉太多，得了「吃出來的病」，叮囑大家緊記飲食均衡，少吃牛肉為妙。
失去口福 倍感戰友甘甜
大病令馬力失了口福，卻讓他倍感戰友支持的甘甜，而且還為他添了一分幽默感，多了說笑的好材料。他笑說昔日經常批評王晶的電影空談「屎尿屁」，想不到今日自己「開口埋口」也「屎尿屁」，「見親醫生都要同佢講口的屎尿屁點樣，真係好不雅！但係中西醫結合真係非常神奇，有時針灸完，心口悶氣，一放個屁就無口左！」剛自嘲不雅的馬力，又滿口「屎尿屁」偉論，還愈說愈興奮，提醒大家挑選坐廁也不能馬虎，「揀廁所記得要揀白色，睇清楚排泄物，可以監察身體狀況！我以前就係個廁所唔係白色，先咁遲發現個病咋！」
|
放大圖片
