[2004-10-13] 下任特首人選 港人要求更高

　【本報訊】(記者　曾少妍、邱萍菲)政界「估領袖」遊戲早已開鑼，不少政治中人也不忌諱地大談第3屆特首人選，民建聯主席馬力則表示，黨內未有討論有關問題，但他相信港人對未來特首的要求更高。他亦表明應取消行政長官選舉中有關政黨的限制，但重申政府要取得信任，並非單靠執政聯盟，良好政策才是施政關鍵。

人選公正無私最重要

　對於自由黨早已表態，指財政司司長唐英年是下任特首的理想人選，馬力大讚自由黨「企得前，睇得遠」，「我們未討論過呢個問題，但係無論如何會積極參與。」他相信港人自回歸後，經過7年多時間，對特首人選的看法更加成熟，「以前話九品中正，上中下、左中右、中英港都得，但係宜家唔只喇，要識得帶領經濟，有管治能力及意志，又要得到中央信任，仲要有民意基礎，要求好高喇！」

　他指出有意參選的人士，將來必定面對很大考驗，至於商人要治港會否難度更高，馬力說：「什麼人治港唔緊要，公正無私，按《基本法》做事就可以喇！」對於政壇大倡政黨政治，馬力亦支持取消行政長官選舉中的政黨限制，但他相信行政長官即使沒有執政黨支持，也不一定會影響行政立法關係，「行政長官做得好唔好，政府政策能唔能夠得到立法會支持，係要睇政策本身係咪符合人民利益。」

民建聯任積極監察者

　他說，政府抱著自己永遠是對的，不聽取其他意見才是問題，「政府提�巀陵蛈n正，唔支持唔得，同邊個講都會被說服啦！唔使壓服�飽I」他又指出：「你諗住民建聯或者自由黨奉旨支持你，對施政有無提高呢？對行政立法有無促進作用呢？呢個唔知，但係呢個就係過去做法！」他表明民建聯日後會繼續擔任積極監察者，除了「是其是，非其非」，還會提出建議，他亦希望政府日後能以爭取59位議員支持為目標。