[2005-02-08] 胡家惠港姐變國泰空姐

放大圖片

　胡家惠在2002年香港小姐選舉中當選季軍

　相信做空中小姐同當選香港小姐都係不少少女的童年夢想，不過要同時實現兩個願望就相信一搵都唔容易，於02年當選香港小姐季軍的胡家惠就是其中的幸運兒。

　跟同樣在國泰做過空姐的99年港姐冠軍郭羨妮，以及94年港姐冠軍譚小環唔同，Cathy胡乃係先當選港姐，之後再投身國泰任職空姐。02年只有十九歲的小妮子，在3000多個申請人中獲得首輪面試機會，之後過五關斬六將，最後脫穎而出，當選為港姐季軍，並獲得無線18個月的聘用合約。伊人認為，在電視台的工作十分多元化，亦學到很多寶貴的知識，不過就想趁年輕吸收更多經驗，所以決定投考空姐。

趁年輕投考空姐吸收經驗

　由港姐變空姐，Cathay話好鍾意目前的工作，有時在機上被乘客認出，要求與她合照或簽名，都叫她樂上半天。

乘客不時要求合照或簽名

　除�鱄J家惠、郭羨妮同譚小環外，曾參與演出《上海灘》的趙雅芝，原來在73年參選港姐獲得第五名後，並無即時投身娛樂圈，反而先到日航擔任空姐兩年，之後才到無線拍劇集。而96年港姐亞軍潘芝莉參選前，亦曾於日航當空姐。兩者都已嫁作人妻，並已淡出娛樂圈。