[2005-02-08] 時間緊迫 出Trip慘過乜

放大圖片

　數碼港請港記到大阪看手機廠。圖為顧客在大阪商店選擇合適手機。

　挨年近晚，唔少公司都搞Business Trip，邀請傳媒出國實地考察有關公司的業務。三笑最近就跟數碼通去完大阪睇手機。同樣是參觀3G機，和記去年的日本東京Trip，又同數碼通今次的大阪Trip有所不同。雖然待遇同樣出色，但係和記的5日4夜行程，相對較數碼通3日2夜鬆動，還有時間Shopping。

日數太長記者未必有期

　要成功咁搞一個Business Trip一搵都唔容易，首先就係去幾多日，考起不少公關。因為出Trip的日數太長的話，記者未必有期，太短又怕講唔清。好似上次地產商請去環遊全球博物館，三笑雖然冇去，但睇到的博物館暴走報道，都為去搵記者辛苦。

　三笑月底再會應邀到瑞士，訪問瑞士豐泰及蘇黎世保險的管理層，初時看到邀請函上3日2夜來回瑞士加兩公司管理層訪問時，心底開始冒汗，難道真的去日內瓦食餐飯就走，原來是逗留當地3日2夜，連埋搭飛機，應該係6日5夜才對。

　提起時間緊迫，三笑不得不提成十年前合和泰國即日來回Trip，來回飛機，連同曼谷地面的塞車，千里江陵一日還，十年後，三笑仍是難忘。