[2005-02-17] 吉日吉時舞獅搞旺場 放大圖片
皇室堡舉行醒獅表演，華人置業銷售及租務高級經理柯靄邦點睛。
大企業打開門做生意，在農曆年揀番個好日好時辰，敲鑼打鼓舞獅搞旺個場，肯定是例牌之作。有風水師傅話今年初七、初八是開市吉日，加上經濟好番D，老闆們捨得使錢。唔少搞零售地產的大老闆們，都找來夏國璋龍獅團的舞獅隊助興。
數下手指，單計初七人日，便破紀錄地有多間商場搵舞獅助興，好似太古、九倉、希慎等，而初八同樣是開市吉日的日子，繼續有商場接力。新世界的新世界中心，同華置的銅羅灣皇室堡都有找來醒獅，敲鑼打鼓旺下個場，寄望今年勝舊年。新世界中心重揀埋効正午十二時舞獅、燒炮仗，原來十二點効吉時，唔知係咪希望可以吉上吉，寓意個場可以旺上加旺。
兩隻獅子出場要花八千
舞獅可以即時帶旺個場，好多人圍觀重派利是，同時帶旺埋舞獅呢個行業。三笑重收到風，夏國璋龍獅團接「柯打」都接到手軟，一次兩隻獅子出場表演要成八千蚊，而「五福臨門」的五獅表演重貴，過萬元才有交易，但有唔少係多年老主僱，所以都係收封利是搞掂。
仲有一個有趣情況，太古、九倉、希慎、新世界同華置的商場找舞獅助興，都係找夏國璋龍獅團幫手，可能因為佢係老字號，唔知舞獅會唔會成為新興的壟斷性行業？
|
放大圖片
