[2005-03-23] 財爺為公平 不減酒稅 放大圖片
唐英年少了參選牽掛，心情輕鬆。
未知財爺唐英年是否因為已決定不參加第二屆特首補選，少了牽掛，所以心情特別佳，平時都鍾意講笑既佢，前日出席研討會時，言論亦更加放，除了用賽馬來暗喻自己選特首會「留前鬥後」之外，還爆料話佢今次的預算案唔減紅酒稅，原因係「搞唔掂條數」。
財爺話，政府做過調查，原來香港銷量最多既10隻紅酒，平均每支既價錢都只係55元，而入口價則更低至4.3元，咁既話，政府如果按支來抽稅，每支10元，咁就會出現55元一支既紅酒，同幾萬錢一支既紅酒，結果都係交10元稅，咁就明益有錢佬。但如果按現行以出廠價計稅的辦法來減，由於銷量最多都係搵入口價唔使5元支既紅酒，即使大減二、卅個巴仙，就都係減得幾毫子，減與不減作用不大。所以還是不變應萬變好。
以試酒喻評預算案
據查，本港現時的酒稅以出廠價計稅，分烈酒(稅率100%)、葡萄酒(80%）及淡酒(40%)三類，其中03/04年度葡萄酒稅收共2.09億。
另外，就市民對今次預算案既讚彈，財爺好淡定咁話：「個人睇法就好似飲紅酒咁，找10個酒評家來試，試出來既結果個個都唔同。」
|
放大圖片
