[2005-05-04] 口吃小偷變世界最勁銷售員

放大圖片

　Joe Girard 累積銷售13001架汽車的紀錄已被記載入健力士世界紀錄大全，至今無人打破。(張偉民 攝)

．張三笑．

　由八歲起患有嚴重口吃、高中未畢業、三十五歲前做過39份工，更曾經因偷竊事敗而被捕，喬吉拉德(Joe Girard)在旁人眼裡可算是一個全盤的失敗者。想不到憑藉勤力、細心、誠信以及對客人的「愛」，加上在35歲時破產的經歷，令阿Joe在短短三年間成為全球最佳的汽車銷售員，佢所創下的單日、單月、單年度及累積銷售汽車總量更被《健力士世界紀錄大全》記載，至今無人能及。

35歲前是全盤失敗者

　阿Joe話，至今一生人累積賣��13,001架新車，但又話佢其實一架車都冇賣過。三笑起初都聽得不明所以，後來佢解釋「其實無論係賣車、賣樓，抑或追女仔甚至係求婚背後道理都係一樣——賣Joe Girard，即係賣自己而唔係賣產品」。意思係透過向對方推銷自己的服務、誠信，令自己在芸芸對手中脫穎而出。

推銷汽車後脫胎換骨

　的而且確，阿Joe功力殊不簡單，目前全球的汽車推銷員平均每月賣4至5架車，但阿Joe卅多年前就已創下每月174架車的紀錄，即平均每日賣6架車，亦曾創下每日賣18架車的紀錄！佢同三笑講，市面上有兩種顧客，一種係格完價先買野，另一種就係買完野再四圍睇�w有冇買貴野，所以抽佣絕對唔能夠太多，人瓊每架車賺1,200美元至1,300美元佣金，佢就只賺大約70美元，寧願密食當三番，都唔可以收得貴。

共賣萬三架車入健力士

　還有就是平時同車房師傅打好關係，每個月第三個星期三同佢瓊食飯，過時過節送小禮物俾師傅，夏天又請晒師傅成家人來一齊BBQ，令顧客在有需要時可以第一時間得到維修服務。價錢平、服務好，口碑就一個個的傳開去，令佢登上全球最佳的汽車銷售員的寶座。

　於1962年35歲破產後，因緣際會當上汽車銷售員，三年後成為全球最佳汽車銷售員，49歲退休，Joe坦言勤力係不二法門，但技巧亦相當重要，阿Joe仲歸納出12條致勝tips，同大家分享佢瓊成功之道。其中一條更提到：返工時唔好塗香水或古龍水。究竟點解？原來係曾經有個患哮喘的客人同阿Joe講，話因為另一個經紀的古龍水太濃烈，受不了，所以轉為同佢買車。從每宗交易裡學習，其實就係累積推銷技巧最重要既途徑。