[2005-05-22] 蘭子：衝口而出 但不會犯法 放大圖片
陳淑蘭曾奪港姐亞軍。(資料圖片)
【本報訊】「蘭子」晚上出席BEE GEES周末狂熱歌舞劇，被記者包圍追訪時表現得比平時緊張。面對大批記者追問，「蘭子」說：「我嚴正聲明，我冇飲酒，好彩個胃唔舒服，所以冇飲酒……當時係我𡑔車，車上有兩個乘客，一個係我細佬，一個係曾經傳緋聞既好朋友。」她強調因被狗仔隊追蹤而撞車。
被問及有否想過找人頂包時，「蘭子」坦言：「大家都知道我既性格，撞車一刻我好驚，有問過『邊個男士有車牌？』但事實上我唔敢做，頂包會犯法，好彩冇做到！」「蘭子」又說：「你知啦，一個藝人買保險好貴，撞車後本能反應係咁，加上好多記者影相，真係好驚！」她又指：「呢個只係我既心聲，可能心聲太大聲畀記者聽到，令佢瓊以為是真。」
言談間，「蘭子」對一度衝口而出說出被人誤會她想找人頂包之事耿耿於懷，但一再強調：「我只係直腸直肚，最重要係冇搵人頂包，我事後去差館，向警察講係我𡑔車，承擔自己責任。」
|
放大圖片
