[2005-08-16] 新E館：吸引客戶新計仔

放大圖片

　手機網絡供應商定期會有優惠吸引用家

文：秋葉原

　筆者一向都是某大電訊公司的長期客戶，多年來是其忠實fans，就算外面有幾吸引，都一貫作風，除了是筆者懶之外，亦覺得手機及網絡收得好，不用轉來轉去。但近日終於心思思想轉台，原因是一個「想一得二」。

　近幾個月，手機月費已經開始減價，S說兩人上台只需一個價錢、V說60蚊1000分鐘，不分時段、不分自由人，話時話我也曾經心郁郁，想轉一轉台，至少都可以慳多搵錢。

　當開始計劃想轉台，梗係要搜尋所有網絡供應商的月費計劃；正當我開始詢問時，又給我帶來一個驚喜，P公司又來一個招數，以1200幾蚊換購PSP機。對於喜歡打機的用家，呢個仲唔吸引。出話價都要成2000蚊先可以落樓，加上有GAME送喎。我睇到都目瞪口呆，八卦的我當然再要詳細問下先，原來先要它的某月費計劃，一次過繳付成2千幾蚊，當中的1200幾蚊是換購PSP機，其餘是每月回贈給用家。

　送什麼電子產品，由寬頻上網轉移到手機網絡供應商，這個方法的確引不少客戶，但是客戶一定要留意是怎樣回贈，以免因小失大。