[2005-11-07] 大象經濟師彈格老冇面俾

放大圖片

有彈有讚

張三笑

　聯儲局主席格林斯潘的任期三個月後即告屆滿。雖然佢任內全球經濟經歷過大大小小既金融震盪，不過總算沒有重大決策失誤，所以市場對佢既評價都係讚多彈少。所謂珠玉在前，候任聯儲局主席的伯南克自然成為比較對象，各界尤其質疑佢既治國方略，擔心未必有格老咁好。匯豐集團首席經濟師兼經濟及策略部環球主管簡世勳似乎對此有搵睇唔順眼，最近決定撰文力撐伯南克，為他先落一點鞋油(喻擦鞋)，仲力數格老多年來的不是。

唔抵得眾人迷信

　金融政策講求延續性，但過去十八年在格老掌權下，議息決定基本上已漸漸淪為格老一個人說了算。換言之，聯邦公開市場委員會各成員對決定最終息率的影響力其實有限。簡世勳認為，大家唔應該將伯南克一搵跟格老唔同既主張，歸納為伯南克太過激進，佢話其實激進既人應該係格老至真。

違反了集體決策

　簡世勳對格老既批評可謂不留餘地，就算格老被視為近代最偉大既央行行長都一樣冇面俾。簡世勳話，格老過去十八年的表現，根本係反現代央行行長之道而行。格老反對僵化既央行策略，所以往往會在最後一刻因應經濟風險既變化而改變立場，呢種治國方式既好處係可以對瞬息萬變既市場作出即時反應，但弊處係聯儲局制度變得過於人治，違反了集體決策的原意。

放任房產泡沫？

　由於格老十八年來多次證明自己眼光獨到，結果市場非但沒有質疑佢破壞了聯儲局的決策機制，反而形成了對佢的一種個人崇拜。簡世勳批評，九十年代既股市泡沫，同近期既房產泡沫，或多或少係格老既放任態度造成；伯南克若能繼任，希望能夠將聯儲局的運作機制納回正軌。