[2005-12-17] 柯大俠笑老趙「賤賣資產」 放大圖片
■趙國雄(右)向證監會執行董事張灼華送上一副以「泓富」二字起題的對聯—「泓景壯觀 富源茂發」，寓意泓富產業信託的前景秀麗。
．張三笑．
泓富產業信託基金成為本港第一隻「私產」既REIT，隻基金彻彻噚日上市。一上市泓富就高開27%，跟住好似飛機起飛咁，起勢咁越升越高。搞到恆生阿頭「柯大俠」（柯清輝）笑住話泓富主席「老趙」（趙國雄）：「你賤賣資產喎！」
初試啼聲當主席
老趙噚日第一次做香港上市公司主席，可喜可賀值得飲番杯，見到佢著住見紅色唐裝出席上市儀式，梗係唸住旺下隻基金，等個價升得勁搵。紅運當頭嘛，點知俾柯大俠搞破壞，公開咁俾個賓架笑佢賤賣資產。老趙今趟真係大大鑊，唔知老闆超人誠哥會唔會等佢番到公司即刻召見，搞到老趙開心都未來得切又要唸定計去解畫。
上市禮物見心思
不過，唔緊要，長和系𡑔住泓富近三成股權，個價升得咁好，長和系可以賺番筆勁既，老闆都應該唔會怪佢。超人真係要讚下員工個個都出盡力去做，就連送俾交易所同證監既禮物搞盡腦汁去諗，好似交易所收到「馬到功成磚」既琉璃擺設——「磚」係房地產既基本，「馬到功成」既代表泓富成功上市，又代表投資者有個成功投資咁話。而證監則收到一幅以「泓富」二字起題的對聯——「泓景壯觀 富源茂發」，寓意基金前景秀麗，會為投資者帶來可觀回報。
|
放大圖片
