[2005-12-17] 任銀公主席 和廣北話學到野

放大圖片

　一年又到聖誕，佳節前，中銀香港總裁和廣北(見圖)亦順利完成今年他做主席的最後一次銀行公會例會。昨日係今年最後一次銀行公會例會，擔任銀行公會主席的和總話，今年係佢第一次出任銀公主席，佢自己在擔任過程中亦增加對香港市場及同業的了解，學了很多東西。

　和總話，今年佢在任期間銀行公會工作好多，包括人民幣業務擴展、巴塞爾資本協訂II準備及協調工作，期間市場又出現了兩個P(最優惠利率)。工作咁多咪好辛苦？和總無好直接咁答，只係話做唔做銀行公會主席都總是辛苦。

　辛苦完大家不如飲番杯，會後和總專登留下來，與一眾記者暢飲「汽水」。記者朋友問佢今年有甚麼聖誕願望，佢只係回應「Merry Christmas and Happy New Year」，祝大家聖誕、新年都快樂。

王冬勝明年又做主席

　隨著和總年底卸任後，下年銀行公會主席一職將再交由匯豐接棒。以三笑所知，近年頻頻周圍飛的王冬勝將接任銀公主席一職，而佢更加係於最短時間內擔任兩次銀行公會主席的銀行家。因為佢上年任職渣打時，剛好又擔任銀行公會主席，而轉投匯豐後，在13個月後他再坐上銀行公會主席一位。