 放大圖片
「舞台仲難表達『性』，現兜兜兩個人係度搞，你作為觀眾同四百幾人一齊睇，你有冇反應好，投唔投入好先？」所以，別抱太大幻想入場。
文：黃傑瑜
編劇黃詠詩去年與彭浩翔合編的電影《公主復仇記》，電影以男主角公開前度女友之裸照作序幕，講述前度與現任女友共同對賤男施以報復，去年奪金馬獎最佳編劇。今年孤身上路，回歸最熟悉的劇場。
以為黃詠詩會恨透男人，認為男人皆賤格，復仇有理。但原來當初接到彭浩翔五頁紙的劇本時，她只想著怎樣離開會議室。「佢相信男人個個都係衰，你畀人呃咗啦。但我好相信個個人都係善良，無人有心去害一個人既。」所以，今次製作將會集中講兩個女生之間的感情，性為其次。
「如果有得選擇的話，都係想做好人。復仇係因為受咗傷害，唔知點算𣜭。」因為復仇背後，黃詠詩更加相信愛。
床上最真
遠在電影之前，她已寫下一個關於外遇的舞台劇《纏》，劇本前半部是講述角色做愛時的反應，被詹瑞文形容為「男扯女濕」。《公主復仇記》後，一時間，黃詠詩收到不少要求其編寫關於性的劇本，不怕誤解嗎？
「我係開放呀，哈哈。」
「但我不會為了那些場面而去寫，你會見到肉酸既，好賣弄呀。我會睇主題，點解放呢場戲係度先﹖個�蔔平I後的意思係咩。」
「我覺得，『性』効一段男女關係入面係好緊要既。唔係話鹹濕，去攪佢啦！兩個人効呢個時候係好脆弱，好trust大家，唔使野講，唔使用咩策略。個交流係最真既。」
孤獨村
黃詠詩是一個敏感的人。幼時，父母離異，她只懂憤怒，甚至懷疑自己是否做錯事，中七畢業入演藝讀表演，環境轉變，她就心生不安，懷疑有人害她。要承受生命中的巨變，寫作成了梳理情緒的方法，選擇如此個人的方式，只因她想與人親近時，但又不信任別人，是個孤獨村。
「寫作係好似寫緊一封信畀自己，話畀自己聽點解你會咁呀。」
「觀眾嚟睇，會好似睇緊一個朋友既內心，而呢個朋友經歷既野，係好願意同你分享，因為我無乜朋友。」
「我雖然有個妹妹，但我諗我既成長係好一個人，會孤獨，由細到大，好多野要自己處理，我既世界唔多人，但我又好想有個人陪喎，但我以前唔信人喎，你過嚟陪我，close完一輪，又發覺你又係咁樣走咗吽A做咗搵估唔到既野，點解會咁既？」
「我以前唔知朋友係乜。直到入咗劇場，同人合作多咗，發現佢瓊真係好人，先有轉變。」
化到一半
友情不多，但愛情不缺。《公主復仇記》中兩個女仔南轅北轍，一個天真又痴身，一個世故懂手段，說穿了不過是一個女生成長的前後對照，經歷愛情，黃詠詩說她介乎兩者之間，化與不化之間。
「大𣈳大𣈳，拍咗八、九次拖之後，認識多咗，同朋友傾多搵，就發現有個循環。」
「以前後生失戀，會四周打電話，問佢搵friend佢點，不停咁個幾月；大𣈳大𣈳，知道佢識咗新女朋友時，哦，唔怪得之啦。慢慢你會放開搵，無咁cher囉。」
「留得住個男人十幾年既女仔，通常都係EQ高，識得用咩方法去抓住佢囉。佢有外遇時唔好問︰你今晚係咪同佢一齊呀？宜係問︰你咁夜番既？嚇死我啦，仲以為咩事添。佢反而識關心番佢，知道晒男人既弱點，你企係側邊，你會好欣賞佢。」
「但我呢個階段做唔到，如果畀我發現你有女人，會係屋企咬毛巾，仲要畀我發現佢後生過我，得十八歲喎，嗚嗚~~不過，我諗，到我大多幾年，唉，由佢由佢啦。」
後記︰
正如很多普羅眾生，黃詠詩對年齡非常著緊︰「其實我未夠三十歲既，我要換智能身份證啦！」，但轉頭又自嘆光陰不再：「以前後生既時間呢……」、「做咗theatre九年，九年呀！！！」。
三十關口前，心情難免複雜，但黃詠詩對愛情仍有盼望︰「當我再談戀愛的時候，我仍會再追求完美既關係。」
天真定樂觀？
日期︰2月15日至26日
地點︰香港藝術中心麥高利小劇場
票價︰$160、$120
|
放大圖片
