 放大圖片
■作為公眾人物，徐子珊的「開放」引來一些反思。
【本報訊】(記者 許紹基)無線製作資源部副總監樂易玲昨天接受商台查小欣訪問，談及有關徐子珊早前在電台節目中講及自己的性經驗而遭「雪藏」一事。
「港姐」應是典範
樂易玲被問及是否因為徐子珊曾是港姐冠軍，所以不能在節目中講「性」？她回答：「不是。節目可播出來就人人都可以講，但係講的時候要顧及自己的形象，徐子珊係公司不斷畀機會佢去發展的藝人，佢講的東西並唔係影響了港姐的形象，而係影響了佢個人，徐子珊是港姐冠軍，佢應該係一個典範，公司曾經畀佢上過好多堂，而且有好多訓練，並唔係卸任之後就乜都拋低晒。」
是否已被「雪」？
節目主持又問到她如果事前知道該節目是講性話題的話，會否容許徐子珊接受該節目的訪問？樂易玲表示會容許，但之前一定會先致電給徐子珊，提醒對方就算是同一句說話，如果用不同方式及技巧說出來，效果會完全不同。
查小欣在節目中說，無線已為徐子珊推卻了所有訪問，之前為劇集試造型亦不用其出席。查小欣說：「徐子珊在節目中講了性生活的時間、地點、女性敏感部位，更說自己在性方面『攻守兼備』，佢已經同樂易玲交談過，而家睇下佢使唔使畀人『雪』啦！」
葉翠翠注重身份
應屆港姐冠軍葉翠翠昨天到新城電台接受《家天下》訪問，被問及徐子珊被「雪藏」一事，她表示：「我唔知個電台訪問的內容，佢已經卸任，係一個藝人，我唔知道佢答的和港姐身份有幾大衝突。（那你會接受討論「性話題」的訪問嗎？）我而家的工作及訪問都係公司安排，所以如果真係有的話，我都會。但我而家仲未卸任，所以我了解而家並唔只代表自己，仲係代表港姐的身份！(覺得不覺得徐子珊出道以來的是是非非有影響港姐形象？)唔覺。就算係我自己都曾有負面新聞，我亦知道好多報道都未必係事實，我認識的徐子珊並唔係報道中所講的人。」
當問到她在卸任後會否有所改變，葉翠翠笑言可能會改變衣著的習慣，在活動上可能由穿裙改為穿褲子。
|
放大圖片
