 放大圖片
■地鐵商場請來明星偶像爭奪獨一無二的「青衣城盃」。
【本報訊】從 6月4日開始一連四個星期日，地鐵旗下的德福廣場、青衣城及杏花新城，會輪番舉行「T-Futsal 跟隊擂台挑戰賽」，T-Futsal 即現時日本大熱的「迷你草地足球賽 」，屆時場內將不惜工本鋪設仿真草皮，即場免費招募對足球擁有一腔熱血的你、你、你，以「跟隊」形式與全港足球發燒友在綠茵場上較勁，費用全免，參賽者更可獲贈至型潮流精品，報名條件只需年滿 15 歲或以上，約埋 1-2 個朋友穿著全套波衫、球鞋落場即可，於限時內兩隊鬥快入球，連勝 3 場之隊伍即可獲豐富禮品如「可口可樂迷你冰箱」等。
如果你睇人鬥波的興趣大於親身落場流汗水，地鐵商場亦一於預埋你齊齊玩，事關只要你在比賽當日穿著球衣、球鞋到商場觀賽或做義務啦啦隊，都可獲贈型人燙畫一張；不單如此，每場「 T-Futsal 跟隊擂台挑戰賽」過後，地鐵商場更會請來明星偶像接力繼續「名人明星挑戰賽」，如 6 月 4 日青衣城的首場Kick-off 當中，就有方力申、 Miki 楊愛瑾、吳日言和 Eric So、MC仁齊齊到場大踼鬥，爭奪獨一無二的「青衣城盃」。
|
放大圖片
