 放大圖片
■自稱喜歡農村生活、熱愛大自然的「耕田婆」甄妮，登台演唱還是離不了以數百萬珠光寶氣烘托。
【本報訊】（記者 李思穎）有「巨肺」之稱的甄妮(Jenny)於前晚在紅館舉行一連三場「甄妮自然瘋演唱會」，甄妮全晚真空上陣，以肉色body打底，服飾不乏低胸、露腿，但見甄妮上圍縮水，壓軸的粉紅色長裙上圍寬敞有「離罩」情形，不過仍很有「睇頭」，有色迷男士更以手機拍下甄妮酥胸半露的大特寫。
至於有報道指甄妮不滿主辦人張耀榮對個唱欠宣傳，當晚甄妮在台上兩度多謝張耀榮，然而接受傳媒訪問時，對會否再度跟張耀榮合作的問題，便有所保當。
女兒設計全部歌衫
崇尚「自然瘋」的甄妮要隨心而發去做每件事，她赤腳出場，繼而又在台上換衫換鞋，唱歌期間又突然脫下鞋子走近觀眾席又唱又跳，年屆53歲的甄妮活力依然，今次所有衣服都是女兒Melody設計再略加修改，甄妮謂：「佢問阿媽你敢唔敢著我的衫，我就試下一件半件來鼓勵一下小朋友，佢依家坐緊飛機，會來睇我最後一場演出，然後便飛返去考試。」甄妮珠光寶氣上陣，其中一套價值三百萬。
上圍豐滿的甄妮未知是否精心挑選，當晚的女dancer全屬「有料」之人，胸前突出，甄妮笑說:「你瓊戴既bar好靚，底褲又靚，多謝內衣贊助商，贊助商嫌我個胸唔夠靚，教我點戴bar。」她望著面前的男觀眾說：「你唔好咁樣望我喇。我今日無戴bar，剩係著住肉色body，萬一件衫跌落來仲有得醫，阿女話阿媽你著番件底衫，我都黐咗十幾張膠紙，應該無事。」
在台灣擁有農場的甄妮自言很喜歡農村生活，又自稱是耕田婆、鄉下人，已經不習慣著高跟鞋，越來越粗魯，不過很享受這種生活。
男觀眾拍胸部特寫
個唱在十時四十五分完騷，場館大光燈亮起，可是熱情觀眾不肯離場，全場站起來又噓又大叫安哥、拍手，欲罷不能，擾攘五分鐘之後，在後台除緊一半衫的甄妮匆忙穿回衣服再度出場任由點唱，結果多唱近半小時，期間她走近觀眾席握手，有些瘋狂歌迷緊握其手不放，亦有男觀眾用手機拍下甄妮的胸部，甄妮並不介意地說：「著出來就預人影，怕就唔好著，著就唔好怕。（最後一件衫上胸有鬆位？）我細咗，只得百一磅多，可能耕田運動量大，我鍾意細，最好扁晒，哈哈！（melody會否上台唱歌？）她來睇騷，佢唔係歌星，唔會唱歌。」
不滿主辦宣傳不足
當晚甄妮在台上兩度多謝張耀榮，又話張生睇住她大，至於是否不滿張生宣傳少，甄妮謂：「佢做得少一些，不過又係咁好。」在旁的張生插口謂：「爆晒，仲想點？」問到甄妮係咪致電給張生，對方都係跑梗馬？「佢跑老鼠同蟑螂。（滿意張生的宣傳嗎？）佢係度梗係話滿意，轉頭就唔滿意。（再有機會合作嗎？）我未必一定再表演，有創意先做，如果可以配合到便再合作，佢要的我做不到，我要的佢又做不到，何來再合作，咁樣好公平。」
張耀榮附和說公平，他否認不和之說，他們有傾有講，不過承認自己早上在香港跑馬，夜晚便去了澳門。（係咪宣傳不足？）他說「電視台和電台訪問都係我瓊約，隧道口的廣告牌都20多萬，上次佢都係咁講，依家又係我搞。(你cut佢線？）係佢cut我線，無野同我講。（會否氹番甄妮？）幾十歲人使咩氹，我鍾意畀佢鬧，畀女人鬧先過癮，越鬧越開心。」
|
放大圖片
