 放大圖片
■馬浚偉擔槍摟住廖碧兒擺甫士，有型吧？
【本報訊】(記者 許紹基）馬浚偉、廖碧兒、徐子珊及楊思琦等昨天齊集沙田馬場，為新劇《突圍行動》作宣傳；眾人在活動上玩了拋圈及射氣槍兩個遊戲，而在活動結束時眾演員齊齊「拉頭馬」，曾被馬匹撞傷的馬浚偉再次面對馬匹已全無懼色，反而吳卓羲在「拉頭馬」時就露出古怪的表情，似乎十分害怕真正的馬兒。
男演員昨天均穿著西裝，馬浚偉一見記者便說：「今日好火羅呀，打開衣櫃發覺自己只得一條呔，拍劇又係呢條、活動又係呢條，遲些都有買五、六條喇。我以前做sales時家中有五、六十條呔，但依家只得這一條囉。」
「福頭」非福將
記者提到馬仔可算是無線的福將，問他對此劇的收視有何期望，馬仔笑道：「福將？福頭就有份！我對這套劇的收視當然有期望，這劇剛拍完不久，我第一次同一批新演員合作，初初都擔心有沒有火花，但後來當然冇問題啦。」提到拍攝此劇時包括他自己一共有三位同事都叫做「馬仔」，故時常都會引起尷尬，他說：「馬國明又叫馬仔、有位道具部又叫馬仔，初時有人叫我做小馬哥，但係我覺得太敏感，所以都係叫返馬仔，而馬國明就叫做『馬明』，另一位同事就叫做『馬爺』。」
昨日有報道指馬仔在活動上做「攝石人」，主動走去和一位不是他支持者的婆婆合照；對此，馬仔回應道：「其實那位婆婆在台下已同工作人員講話要同我合照，咁佢上到台，唔通要老人家行埋來咩？我睇到報道話我連阿婆都唔放過都嚇一跳，我都不是咁既人。（新一年就有這些報道，會否不開心？）唔會呀，『攝石人』人幾好呀，夠晒磁力！」
碧兒係「馬迷」
廖碧兒表示此劇有很多新元素，她笑道：「米雪姐『kum』我、岳華就擒我！」她從來沒騎過馬，拍古裝劇時最多都只是吊「威宂 」，但她從小已十分喜歡馬，小時候更曾經叫媽媽買馬給她養，她說：「媽媽反問我要把馬收埋邊度，我就話收埋在床下，佢到依家仲笑我呀。（會否養馬？）用來跑馬就未必，但如果似加拿大一樣有個大草園咁養就唔同。」廖碧兒屬馬，故對馬亦特別偏愛；記者笑問她為何如此公開自己的生肖，她道：「冇所謂啦，仲可以講多幾年。」果真青春無敵！
|
放大圖片
