 放大圖片
■馬仔作狀開槍，廖碧兒故作驚青。
【本報訊】（記者 許紹基）吳卓羲昨天出席了劇集《突圍行動》的宣傳活動，對於日前有報道指他在除夕夜和之前曾傳過緋聞的梁靖琪(Toby)齊齊到酒吧「夜蒲」，似有再度追求對方之意。
無意再追梁靖琪
吳卓羲道：「其實我係約埋林峰及一個內地演員一齊去，梁靖琪有朋友在酒吧，我同佢不是約埋一起去的。我瓊去到都知有記者，但都大方畀大家拍照。(是否想再追Toby呀？)唔好喇，我入行前已識佢。佢又係高層個囡，大家只係好朋友！」報道又指他飲了太多酒，故遲遲都未能離開酒吧，吳卓羲說：「其實係我有個朋友飲醉了，我唔可以放低佢唔理嘛。我承認我有飲酒，不過除夕飲酒冇問題呀。」問到他是否想在酒吧內認識新女友時，Ron笑指當日有很多朋友在場，他自己反而有「嘴對嘴」親吻及攬著林峰慶祝。
楊思琦未有結婚打算
日前有相士指楊思琦在新一年運程大好，而且有機會結婚；思琦聞言後開心地說：「咁好呀？咁開心？我估自己唔會咁突然結婚，閃電咩？我未有心理準備。（會否因為懷孕而結婚呀？）我估應該就唔會了，我仲好喜歡自己的工作；我同男友拍拖幾年，依家拍拖都係愛情長跑啦！」
思琦又提到自己不會未婚生子，因她如果要懷孕的話就一定要事先有很周詳的計劃。她說：「我諗唔會在我身上發生了，我點都會先結婚。」思琦又表示並沒有試過「睇相」，因怕批出來的結果不好，令到自己內心有陰影。
徐子珊「通淋巴」減肥
徐子珊昨天穿了一條束腰的裙出席活動；子珊的身形明顯比前瘦削，但雙腳還是十分粗壯，她說道：「我到了朋友介紹的護理中心通淋巴，好貴，不過好有用！依家瘦返都有心機打扮，拍《舞動全城》亦都係做一個好女仔的人，所以都有心機扮靚！」
|
放大圖片
