 放大圖片
■拍劇集時間緊迫難以協調，黎姿遲到不覺得一回事。
【本報訊】（記者 許紹基）黎姿和邵美琪昨天下午在油麻地一街市的魚檔為劇集《珠光寶氣》拍攝外景，內容講述兩位女角一起逛街市及買魚；拍攝現場吸引了不少途人圍觀，其中一位中年男性市民說道：「邊個呀？陳寶珠呀？啊！黎姿咋！」事後記者向當事人提及有關事情時，黎姿笑笑道：「講真，係寶珠姐正好多喎！」
黎姿昨天比邵美琪遲了約一個小時到達外景場地，而原來要於三點半交還的魚檔，亦要順延至約五點才可交還；問到黎姿為何會遲到，她帶點忿怒地說：「點遲呀？我今早六點開工，又要轉妝及整過個頭，點遲呀姐姐？（質問某女記者）我趕到廁所都去唔到，今日全日都在屯門拍攝，頭髮又要由曲變直。」問到她可覺得安排失當時，黎姿又忽然客氣起來，並說：「不嬲都係咁安排失當，這些要問導演及副導。（工作人員好似有些不滿！）係呀，冇辦法啦，我個造型係咁。」黎姿又表示不用向邵美琪解釋為何會遲到，因大家心裡都明白，但有在場記者卻親耳聽到黎姿向邵美琪解釋自己因要轉髮型而遲到。
有雜誌報道指因此劇以「高清」拍攝，故黎姿一個小時內要補了五次妝，黎姿對此直認不諱，她答道：「係呀，係監製要求的。有少少瑕疵都唔可以，個妝要化過。雖然係咁，我冇特別去護膚，不過粉底要塗得薄一些，因拍出來真係好清，如果面有青筋或黑眼圈都要遮囉！」
|
放大圖片
