 放大圖片
■做了媽媽後的靚靚對著小朋友很有耐性。
【本報訊】袁詠儀(靚靚)自三個月前誕下兒子張慕童(Morton)後，終於接下產後復出第一個工作，昨日修身後的靚靚出席bossini 07全新系列活動擔任嘉賓，跟十名於立春出世的金豬BB出場，並送上祝福！靚靚見到可愛的BB亦忍不住逗玩，又跟其他新任媽媽交流湊仔心得。適逢在豬年出世的靚靚，與大會準備了的巨型金豬合照，寓意富足一世！
不過向來說話直腸直肚的靚靚，在台上跟司儀森美表示，懷孕期間從沒有著過孕婦裝，森美隨即為靚靚兜住，聲稱那時公司還未推出孕婦裝而已，隨後靚靚亦醒目地大讚該品牌推出的嬰兒服裝質料舒服，絕對符合兒子穿著。
三個月大九個月尺碼
靚靚談到三個月大的囝囝Morton即相當興奮，她形容囝囝雖然只得十三磅，身體卻相當長，買衫仔要九個月大的尺碼，靚靚笑言：「應該買六個月大都足夠，不過我終於明白點解那些媽咪買BB衫鍾意買大碼，因為BB大得好快，所以都唔敢買太多。」她更謂以前買東西都要型，現在就質料行先，不能弄傷BB幼嫩肌膚。她還透露已為囝囝報名入讀幼稚園，不過哪間就不講了，她帶笑謂：「我報了一間，怕唔收咪好瘀！」靚靚為囝囝取名「魔童」，平日都喜歡這樣稱呼他，有趣的是他真的有反應。
產後勤修身瘦八磅
問到修身成績，靚靚坦言之前被雜誌寫她肥，已立刻減肥，這幾個月來，除了照顧囝囝，還積極通淋巴、節食、運動，做跑步機和樓梯機，終於瘦了八磅，她笑言：「只差在未爬山咋。我諗仲要減多十磅啦。張玉珊都話唔逼我做代言人，叫我日日上去做機。」靚靚又謂，幸好沒患產後抑鬱，她自言起初不習慣照顧BB，經常產生幻聽，尤以入夜更甚，連Chilam都說她太緊張，幸好醫生教曉她不用BB喊就立刻抱，漸漸她學會這種方法照顧囝囝，只是早前出席《門徒》首映，被指她整個人很腫，她解釋因為之前一晚囝囝病了，整晚難以入眠所致。
昨日出席活動，可有不捨得離開囝囝？她說不會了，每次工作前都會叫齊父母到家中，及Chilam合力照顧囝囝，她就放心出門口。不過她對囝囝不會太高要求，只要讀好英文和國語就可以，不想他太辛苦，最緊要做個快樂人。問到現時和Chilam是否輪流為囝囝餵奶？她得戚表示：「囝囝已戒了夜奶啦，飲了一個月人奶都戒埋，那時餵人奶差點抑鬱。其實我想佢搞清楚奶樽同媽咪，餵人奶時，佢試過『擔』住來飲呀。」
|
放大圖片
