人稱四叔的恆地主席李兆基近年可謂喜事重重，恆地系內各公司業務上晒軌道，將心機轉放在投資市場狂掃中資股，賺錢賺到笑，身家也越加豐厚，富豪排名越升越高。
不過，對四叔而言，最開心的肯定係李家好快又有新成員加入——榮升「爺爺」輩，因四叔新抱徐子淇已懷孕3個月。四叔昨日被問到好快抱孫時，笑得好開心。四叔話，「我知係有孫抱，但係唔知係仔定女。」
