 放大圖片
■杜琪峰監製、陳奕迅及楊千嬅主演的《每當變幻時》昨日於聯和墟街市補戲，拜神儀式一樣做足。
【本報訊】（記者 李思穎）楊千嬅昨日接受查小欣訪問，期間透露曾經想過退出娛樂圈，不過要她轉行過結婚生活便是很重的責任，當是兼職便沒有問題，千嬅亦坦言因為自己的硬頸性格，令她錯失過好姻緣。
嫁人是另一職業
最近千嬅忙於宣傳新歌《化》，她笑說：「如果我化咗會好大件事，點知會唔會無端端退出，雖然我仲係好開心和享受這份工作，但我有時悶都會想退出，年中都諗唔少，這完全同人和工作無關，只是每日時間表覺得好悶。（會否想過結婚？）結婚唔同做女時的自在感，是一種家庭責任，另一個職業，結婚唔係嫁畀老公，唔係嫁畀豪宅，係嫁畀廚房隻鑊，要揸住隻鑊一世，都係事業，係相當重既事業，做parttime就無問題。」
曾錯過了好姻緣
千嬅最喜歡《化》最後一句歌詞「忘我自然合襯」，她表示：「細個讀書時通常會話將來結婚的人就係最喜歡，其實這句說話累死好多人，聽番好多朋友講，當初唔好咁硬勁，便不會錯過了，這種只係好任性的愛，成日都話鍾意先襯，事實上一段感情係要相處和經營。（係咪你的體驗？）係提醒和鼓勵自己的說話，我份人都好奄尖，奄尖原因就係硬頸。（你試過錯過了？）當然會啦，這也好，令我更明白是什麼一回事，總好過70歲先知道。」
|
放大圖片
