 放大圖片
■「五虎」一時難齊集，苗僑偉強調：唔需講到仇恨咁大件事。
【本報訊】（記者 李思穎）劉德華有意集合其他「四虎」梁朝偉、黃日華、苗僑偉、湯鎮業合拍一部電影，奈何偉仔未能演出，遂引來滿城風雨，矛頭直指「四虎」跟偉仔心存不和，事緣當年「五虎」夾好不再續約無線，豈料偉仔臨時縮沙，背棄兄弟情，最終剩下偉仔一人獨留無線發展，其他「四虎」則堅守承諾，離開無線出外發展，此事令偉仔和「四虎」結下解不開的怨。
劉德華做老闆開拍「五虎」電影，華仔在查小欣節目中透露：「唔係一定要搵齊五個人，我亦無能力迫任何人拍戲，這班人同我一起成長，只係無機會同偉仔更close變成像家庭成員的朋友，這是緣份的問題，我覺得五個電視的少年係經典，要他們去表達是很特別的管道。」
唔好講成「仇恨」
苗僑偉說：「從來無講過『五虎』合作拍戲。（華仔都期待五虎可以合作？）這是大家的期待，著實今次部戲不是為『五虎』而度出來的。（是否因當年偉仔無離開無線，導致大家不和？）同當年無關，倒轉來看當年偉仔無走係對的。（係咪咁記住呢個仇恨？）唔需要講到仇恨咁大件事，人各有志，你要走都無理由要人同你一起走，已經無把這件事擺係心到，大家唔會記住，近兩年好少聯絡偉仔，佢比較忙，跟本無機會搵到佢，也不知佢有無興趣拍這部戲。」
湯鎮業喜歡偉仔
湯鎮業對於新片冇偉仔演出，他表示：「無所謂，有好多原因。（黃日華話無機會齊集五虎合作。) 未必，世事無絕對，可能十年後，或者60、70歲再合作也不出奇。（係咪少見偉仔？）我份人較孤立，其實好喜歡偉仔的性格，佢懂得享受人生，搵夠就算，不用應酬。（當年偉仔無走，令你們四虎不高興嗎？）唔係咁負面，只係雜誌咁寫，我個人唔會嬲，人各有志，�蔭氻j家都是20歲出頭，好多事唔係自己𡑔主意，沒可能什麼事都五個人一齊做。」
|
放大圖片
