張子欣預言 平保有排旺

放大圖片

　■張子欣(右)稱，平保現在才是進入一個持續好長時間的高增長周期。左為馬明哲。

　中國第二大壽險公司平安保險今日躋身藍籌成份股，對一手湊大平保的馬明哲老總來講，認真是飲得杯落的日子。平保總經理張子欣上星期同三笑茶�x時，就講到自己加入平保的「過去、現在、未來」。張總說，當年決定全情兼全身投入平保，真係要少少勇氣。

當年加入平保需少少勇氣

　何解呢？張總笑言，99年爆�鰴瘞爭Q率保單事件，搞到好大鑊，在2000年決定全身投入平保時，做決定時真係要有少少勇氣先得。現在回想起來有點像與平保其他同事一齊創業，大家都相信平保前景是光明的，但道路會是曲折的，直到今天平保營運19年終成為藍籌股，相信平保在未來19年發展，會遠超過去的19年。

　張總還說，平保現在才是進入一個持續好長時間的高增長周期。何解呢？張總即時解釋一番，現在內地保險業監管情況是咁多年來最好的，49年建國至今都未曾試過，給予整個行業充足的動力去發展。對平保來講「天時、地利」各方都齊備，在乎平保如何把握機會發展。

今終染藍料未來19年更好

　講到平保的前景咁好，股價又會唔會節節上升？單看上個星期五大炒保險資金可透過QDII投資海外，平保的股價就升�鬫�3.31%，收市報46.75元，瑞銀集團還發表研究報告叫人買入平保，話這隻保險股有機會升到54.8元。三笑問張總點睇，平保股價會唔會翻一番，張總答案簡直出人意表，佢話「不如問陸叔啦」。

　聽講平保畀員工的人工係行內數一數二咁高，平保又咁好業績同前景，人工會唔會再翻一番呢？張總用一貫應付傳媒的口吻說，薪酬同獎金係同業績掛鉤的。不過，張總都講�鬙y心底話，他說「創辦人馬明哲是一個好有魅力的領導人，帶領平保不斷進步，我個人都有好大進步。平保1.9萬員工持公司股份超過10%，是少數公司可以做到的，加上與同事相處得好好。人工只係其中一個吸引的因素。」