 放大圖片
■《戰．鼓》優先場，導演畢國智及房祖名、李心潔出席座談電影。
【本報訊】（記者 梁靜儀）電影《戰．鼓》優先場及座談會，前晚於旺角一間戲院舉行，影片導演畢國智及男女主角房祖名與李心潔亦有出席，當祖名與心潔合照時，祖名卻似「生人勿近」般一臉嫌棄。李心潔解釋，因自己氣管敏感，有兩聲咳嗽，剛巧導演亦患了感冒，祖名才會較為緊張。
影片首映日前舉行，心潔自言看後亦有點感動。她透露稍後會為徐克的新片配音，完成後希望可放假旅行去潛水。她謂早前為了拍片學潛水更玩上癮。
媽咪讚影片好睇
祖名亦表示首映當晚觀眾的反應不俗，問到他可有看到自己的床上戲？他笑說：「睇唔到，因為要做訪問錯過咗。（是否被剪掉了？）拍得咁搏命，應該唔會剪既。」當晚其母親林鳳嬌亦有前往捧場，祖名謂媽咪都讚部戲幾好睇，但仍要努力，媽咪最鍾意最後打大陣鼓那場戲，可能那場戲我將連日來的辛苦打晒出來，而觀眾都很畀面，睇到鴉雀無聲。問他觀眾是否𠳓著？祖名笑說：「唔係，𠳓覺會有鼻鼾。」
近年主力拍戲的祖名，又指媽咪叫他要快點出唱片，因為他拍了六部電影，但只出過一張專輯，而他估計最快也要明年才有新唱片推出。記者問他是否迎接08奧運？祖名笑說：「係呀。（是否想與爸爸的新歌《We are ready》打對台？）但I'm not ready.」
薛凱琪避免曝光
昨日祖名又要乘機到台灣出席《戰．鼓》首映，他透露已邀請了台灣朋友出席，包括有蕭亞軒及陶喆等。難道不邀請正在台灣發展的緋聞女友薛凱琪？祖名初時仍裝傻，宣稱不知薛凱琪仍在台灣，及後才爆出是怕被狗仔隊跟蹤，令住址曝光。他說：「遲搵送正場飛或買DVD碟畀佢。」問到可會約薛凱琪食飯？祖名聲稱不會了，因為首映禮完場後便要即刻走。
祖名可謂與影展有緣，他透露還未上映的新片《pk.com.cn》將會參加洛杉磯影展，不過他自嘲說：「手上的子彈已無存貨，只剩下呢部戲。」
|
放大圖片
