 放大圖片
【本報訊】（記者 梁靜儀）舒淇、趙式明、霍陳琪琪、林煒珊、孫光華及趙金卿等人，前晚應邀出席積家錶慈善晚宴及高級珠寶腕錶展覽，大會安排多位小朋友送上親手摺的紙手錶給舒淇，逗得伊人愛不釋手，更與小朋友齊舉起勝利手勢影相。當晚大會亦捐贈一款珍貴的鑽石腕錶作慈善拍賣，最終由善長仁翁以港幣三十萬成交，所得收益將會全數捐贈「香港保護兒童會」作發展基金。
應邀出席的舒淇，身穿Gucci露背裙及高𤧟鞋出席，右手則戴上大會提供、價值逾二百萬的鑽石手錶，問到大會是否送給她？舒淇指住手上的紙手錶笑著道：「係呀。」她表示平日雖然也有收藏手錶，但過百萬元的則沒有收藏。
當高齡產婦也無妨
舒淇表示，她的手錶和鑽石多是自己買，從未收過男友送的，反而細個拍拖就收過男友仔的勞作手工。而她喜歡收紙手錶勝過收金錶，因為欣賞一個人的心意勝過送貴重物品。她又打趣說：會等剛才送紙手錶給她的小男孩二十年後再送手錶給她。記者大潑她的冷水，指到時小男孩未必鍾意她。舒淇笑道：「所以我現在要盡量保持美好身段。」她表示自己不擔心會當高齡產婦，因有兩位朋友都是三十八、九歲才生育。
感情事「隨緣啦」
最近舒淇的兩位緋聞男友張震和王力宏都先後公開真命天子及傾慕對象，她可感到甩難？舒淇裝作一臉不在乎的笑謂：「都唔會羨慕既，男女拍拖好正常呀。（你冇拍拖豈不是唔正常？）我事業為重，又鍾意飛來飛去，感情事隨緣啦，如果要搵周街都搵到個。」日前是黎明41歲生日，女友樂基兒帶著超人氣球為他慶祝生日，問到舒淇可有致電恭賀黎明？舒淇初時並沒正面回答，及後才說：「冇。」問到她可有送過如此cutie的氣球給黎明及出席過這類派對？她冷淡的說：「我唔知佢係咪鍾意氣球，都唔知佢生日派對係點。」
丁子高避免提千嬅
當晚以大會公關身份出現的丁子高，被問到聖誕會否相約楊千嬅慶祝時？他卻不願多提，又絕情的說：「唔係工作唔會搵千嬅。（換言之早前的緋聞係假的？）當然。（從來無同千嬅拍拖？）朋友囉。」之後他又叫記者不要再圍繞千嬅來講。問他咁快就完？丁子高再次與千嬅劃清界線，並說：「從來都無開始。」
|
放大圖片
